FYUGP നടപ്പാക്കൽ പുനഃപരിശോധിക്കും;

കേരളത്തിലെ ഉന്നതവിദ്യാഭ്യാസ മേഖലയിൽ കൂടുതൽ പരിഷ്‌കാരങ്ങൾ കൊണ്ടുവരുന്നതിന്റെ ഭാഗമായി Four-Year Undergraduate Programme (FYUGP) സമഗ്രമായി പുനഃപരിശോധിക്കുമെന്ന് ഉന്നതവിദ്യാഭ്യാസ മന്ത്രി റോജി എം. ജോൺ അറിയിച്ചു. FYUGP നടപ്പാക്കുന്നതുമായി ബന്ധപ്പെട്ട് വിദ്യാർത്ഥികൾ, അധ്യാപകർ, കോളേജുകൾ എന്നിവരിൽ നിന്ന് നിരവധി പരാതികൾ ലഭിച്ചിട്ടുണ്ടെന്നും, നിലവിലുള്ള പ്രശ്നങ്ങൾ പരിശോധിച്ച് ആവശ്യമായ മാറ്റങ്ങൾ നിർദേശിക്കാൻ പ്രത്യേക സമിതി രൂപീകരിക്കുമെന്നും മന്ത്രി വ്യക്തമാക്കി FYUGPയുടെ നടപ്പാക്കലിൽ നേരിടുന്ന പ്രായോഗിക ബുദ്ധിമുട്ടുകൾ, അക്കാദമിക് സംവിധാനങ്ങൾ, കോഴ്സ് ഘടന, വിദ്യാർത്ഥികൾക്ക് ലഭിക്കുന്ന സൗകര്യങ്ങൾ തുടങ്ങിയവ പുനഃപരിശോധനയുടെ ഭാഗമായി പരിഗണിക്കപ്പെടും. തൊഴിൽ മേഖലയിലെ ആവശ്യങ്ങൾക്കനുസരിച്ച് കോഴ്സുകൾ പുനഃക്രമീകരിക്കുകയും വിദ്യാഭ്യാസവും വ്യവസായ ആവശ്യങ്ങളും തമ്മിലുള്ള വിടവ് കുറയ്ക്കുകയും ചെയ്യേണ്ടതിന്റെ ആവശ്യകതയും സർക്കാർ ചൂണ്ടിക്കാട്ടുന്നു